فَلَمَّا أَنْجَاهُمْ إِذَا هُمْ يَبْغُونَ فِي الْأَرْضِ بِغَيْرِ الْحَقِّ ۗ يَا أَيُّهَا النَّاسُ إِنَّمَا بَغْيُكُمْ عَلَىٰ أَنْفُسِكُمْ ۖ مَتَاعَ الْحَيَاةِ الدُّنْيَا ۖ ثُمَّ إِلَيْنَا مَرْجِعُكُمْ فَنُنَبِّئُكُمْ بِمَا كُنْتُمْ تَعْمَلُونَ
അങ്ങനെ അവന്‍ അവരെ ആ വിപത്തില്‍ നിന്ന് രക്ഷപ്പെടുത്തിയാലോ,അവര്‍ഭൂമിയില്‍ അന്യായമായി അതിക്രമം കാണിച്ചുതുടങ്ങുന്നു, ഓ മനുഷ്യരേ, നി ശ്ചയം നിങ്ങളുടെ അതിക്രമം നിങ്ങള്‍ക്കെതിരെ തന്നെയാണ്, ഐഹികജീ വിതം നിങ്ങള്‍ ആസ്വദിച്ചുകൊള്ളുക, പിന്നീട് നമ്മിലേക്ക് തന്നെയാണ് നി ങ്ങളുടെ മടക്കം, അപ്പോള്‍ നിങ്ങള്‍ പ്രവര്‍ത്തിച്ചുകൊണ്ടിരുന്നത് എന്തായിരുന്നു വെന്ന് നാം നിങ്ങള്‍ക്ക് വിവരം പറഞ്ഞുതരുന്നതാണ്.
നിഷ്പക്ഷവാനായ നാഥന്‍ ഒരാളെയും സ്വര്‍ഗത്തിലേക്കോ നരകത്തിലേക്കോ മാര്‍ഗദര്‍ശനം ചെയ്യുന്നില്ല എന്ന് ഈ സൂക്തവും പഠിപ്പിക്കുന്നു. നാലാം ഘട്ടത്തില്‍ ഐഹിക ലോകത്ത് സ്വര്‍ഗം പണിത് ഏഴാം ഘട്ടത്തില്‍ അത് അനന്തരമെടുക്കുക എന്നത് ഓരോരുത്തരുടെയും കടമയാണ്. എന്നാല്‍ 7: 178-179 ല്‍ വിവരിച്ച പ്രകാരം അദ്ദിക്റിനെ സത്യപ്പെടുത്താതെ ജീവിക്കുന്ന ലക്ഷ്യബോധമില്ലാത്ത കപടവിശ്വാസികളും അവരുടെ അനുയായികളും നരകക്കുണ്ഠത്തിലെ ഏഴ് വാതിലുകളിലേക്ക് നിജപ്പെടുത്തിവെക്കപ്പെട്ടവരാണ്. അവര്‍ അവരുടെ വിധി 83: 7 ല്‍ പറഞ്ഞ നരകത്തിലേക്കുള്ള സിജ്ജീന്‍ പട്ടികയില്‍ നിന്ന് 83: 18 ല്‍ പറഞ്ഞ സ്വര്‍ഗത്തിലെ ഇല്ലിയ്യീന്‍ പട്ടികയിലേക്ക് അദ്ദിക്ര്‍ ഉപയോഗപ്പെടുത്തി സ്വയം മാറ്റാന്‍ തയ്യാറാകാത്തവരാണ്. അതുകൊണ്ട് യുക്തിനിര്‍ഭര ഗ്രന്ഥമായ അ ദ്ദിക്ര്‍ കൊണ്ട് അവരെ ഉണര്‍ത്താന്‍ വിശ്വാസിക്ക് കഴിയുകയില്ല. അക്കൂട്ടര്‍ നാഥനില്‍ നിന്നുള്ള ഗ്രന്ഥത്തിന്‍റെ ഏറ്റവും നല്ല വിശദീകരണമായ അദ്ദിക്റിനെ സത്യപ്പെടുത്തി ജീ വിക്കാത്തവരായതിനാല്‍ തങ്ങളുടെ മുഖങ്ങളില്‍ നരകക്കുണ്ഠത്തിലേക്ക് വലിച്ചിഴക്കപ്പെടാനുള്ള ഏറ്റവും ദുഷിച്ച സ്ഥാനത്തുള്ള ഏറ്റവും വഴിപിഴച്ചവരാണെന്ന് 25: 33-34 ല്‍ അവര്‍ വായിച്ചിട്ടുണ്ട്. വിശ്വാസി 8: 22 ല്‍ പറഞ്ഞ ഇത്തരം ദുഷ്ടജനതയോട്, 'നിങ്ങള്‍ ഇവിടെ കുറച്ചുകാലം സുഖിച്ചുകൊള്ളുക, നിശ്ചയം നിങ്ങളുടെ മടക്കം നരകത്തിലേക്കാണ്' എന്ന് പറയാന്‍ 14: 30 ലൂടെ കല്‍പിക്കപ്പെട്ടിരിക്കുന്നു. വിശ്വാസികളുടെ സംഘമി ല്ലാത്ത ഇക്കാലത്ത് അദ്ദിക്റിനെ സത്യപ്പെടുത്തി ജീവിക്കുന്ന ഒറ്റപ്പെട്ട വിശ്വാസി 7: 205-206 ല്‍ വിവരിച്ച പ്രാര്‍ത്ഥനാ രീതിയും ജീവിത രീതിയുമാണ് സ്വീകരിക്കേണ്ടത്. 4: 133; 6: 115-116; 7: 146-147; 9: 94 വിശദീകരണം നോക്കുക.